23-юми январи соли 2025-ум Конференсияи ҷумҳурияви вобаста ба масъалаи ислоҳоти низоми адолати суди нисбат ба кўдакон дар Ҷумҳурии Тоҷикистон бо дастгирии Дафтари намояндагии Хазинаи кўдакони СММ (ЮНИСЕФ) дар Тоҷикистон, Дафтари Швейтсария оид ба ҳамкори дар Тоҷикистон, Фонди ҷамъиятии “Ташаббуси ҳуқуқи” ва дигар шарикон баргузор гардид.
Конференсияи ҷумҳурияви ба масъалаи муҳим бахшида шуда, дар он раванди амалисозии ислоҳот дар низоми адолати суди нисбат ба кўдакон, дастовардҳо, қадамҳои минбаъда ва мушкилот дар ин самт, инчунин амалишавии механизми барканор кардани кўдакон аз низоми расмии адолати суди дар Ҷумҳурии Тоҷикистон ва лоиҳаи Қонуни Ҷумҳурии Тоҷикистон «Дар бораи миёндигари (медиатсия)» барраси карда шуданд.
Дар конференсияи мазкур намояндагони мақомоти давлати, созмонҳои байналмилали ва ҷомеаи шаҳрванди иштирок намуда, дар доираи масъалаҳои зикргардида муҳокимарони ва пешниҳод манзур намуданд.
Яке аз масъалаи муҳиме, ки дар дар конференсияи ҷумҳуриявии мазкур барраси карда шуд ин таъсиси механизми барканор кардани кўдакон аз низоми расмии адолати судӣ дар Ҷумҳурии Тоҷикистон буд.