23 декабри соли 2025-ум дар Маркази ҷумҳуриявии экспертизаи судӣ ва криминалистии Вазорати адлияи Ҷумҳурии Тоҷикистон таҳти раёсати Вазорати адлия ҷаласаи навбатии Шӯроиҳамоҳангсозии байниидоравӣ оид ба масъалаҳои экспертизаи давлатии судӣ баргузор гардид. Дар ҷаласаи Шӯрои мазкур аъзои Шӯро ва намояндагони вазорату идораҳои дахлдор иштирок намуданд. Маврид ба зикр аст, ки Шӯрои ҳамоҳангсозии байниидоравӣ оид ба масъалаҳои экспертизаи давлатии судӣ бо мақсади мутобиқсозии фаъолият, расонидани ёрии ташкилию методӣ ва такмилиминбаъдаи фаъолияти экспертизаи давлатии судӣ бо қарори Ҳукумати Ҷумҳурии Тоҷикистон аз 3 апрели соли 2006, №136 таъсис дода шуда, роҳбарии он ба зиммаи Маркази ҷумҳуриявии экспертизаи судӣ ва криминалистии Вазорати адлияи Ҷумҳурии Тоҷикистон вогузор шудааст. Дар ҷаласаи имрӯзаи Шӯрои мазкур аъзои Шӯро оид ба масълаҳои афзалиятҳои рушди экспертизаи судӣ, таҳияи тавсияҳои илми-методӣ, ташкил ва гузаронидани экспертизаҳои судии комиссионӣ ва комплексӣ, ҳалли масъалаҳои баҳсноки экспертизаи судӣ бо мақсади таъмин намудани амалияи ягонаи илмию методӣ дар таҷрибаи экспертӣ, тайёрии касбӣ ва тахассусии экспертҳо дар ҷумҳурӣ, баромад ва пешниҳодҳои муфид намуданд. Бо мақсади тақвияти ҳамкориҳои минбаъдаи муассисаҳои экспертӣ ва рушди соҳаи экспертиза дар ҷумҳурӣ дар ҷаласаи Шӯрои мазкур қарорҳои дахлдор қабул карда шуд.