8 июли соли равон вазири адлияи Ҷумҳурии Тоҷикистон Музаффар Ашуриён бо роҳбари навтаъини Дафтари Швейтсария оид ба ҳамкорӣ дар Тоҷикистон хонум Дениз Люти вохӯрӣ намуд. Зимни вохӯрӣ вазири адлияи Ҷумҳурии Тоҷикистон Музаффар Ашуриён хонум Дениз Лютиро барои таъин шудан ба вазифаи пурмасъул табрик намуда, иброз дошт, ки рушди муназзами ҳамкориҳои дуҷониба бо Дафтари Швейтсария оид ба ҳамкорӣ дар Тоҷикистон минбаъд низ тақвият дода мешавад. Ҳамзамон дар мулоқот раванди амалишавии лоиҳаҳои муштарак бо Дафтари Швейтсария оид ба ҳамкорӣ муҳокима гардиданд.