Иштироки ҳайати Тоҷикистон дар Конфронси минтақавӣ оид ба «Таҷдиди тасаввурот вобаста ба масъалаи адолат нисбати кўдакон»
15-16-уми апрели соли 2025-ум ҳайати Ҷумҳурии Тоҷикистон таҳти роҳбарии муовини якуми вазири адлияи Ҷумҳурии Тоҷикистон Нигина Ализода дар Конфронси минтақавӣ оид ба «Таҷдиди тасаввурот вобаста ба масъалаи адолат нисбати кўдакон», ки дар шаҳри Истанбули Туркия баргузор гардид, иштирок намуд.
Конфронси мазкур аз ҷониби Ҳукумати Туркия ва Хазинаи кўдакони СММ (ЮНИСЕФ) ташкил карда шуда, дар он намояндагони зиёда аз 90 давлатҳои ҷаҳон аз он ҷумла Арманистон, Беларус, Туркия, Норвегия, Озарбойҷон, Шоҳигарии Белгия, Сербия, давлатҳои Осиёи Марказӣ ва ғайра ширкат варзиданд.
Яке аз масъалаи муҳим, ки дар конфронси мазкур баррасӣ гардид, механизми барканор кардани кўдакон аз низоми расмии адолати судӣ мебошад. Дар давлатҳои дунё татбиқи механизми мазкур аз солҳои 1970-1990-ум оғоз гардида, айни замон дар давлатҳои Осиёи Марказӣ ба таври пилотӣ ин механизм ҷорӣ карда шудааст.
Дар конфронси мазкур аз ҷониби ҳайати Тоҷикистон муовини якуми вазири адлия Ализода Нигина бо мавзуи «Амалисозии механизми барканор кардани кўдакон аз низоми расмии адолати судӣ дар Ҷумҳурии Тоҷикистон» баромад намуда, вобаста ба дастовардҳо дар ин самт маълумот пешниҳод намуд.