1 июни соли ҷорӣ дар Кумитаи ҳифзи муҳити зист таҳти раёсати раиси Кумита Баҳодур Шерализода ҷаласаи корӣ баргузор гардид, ки дар он натиҷаҳои фаъолияти моҳи май ва масъалаҳои муҳими марбут ба ҷамъбасти муназзами фаъолияти назоратӣ дар ин давра, дастуру супоришҳои дигари муҳлатдори қаблан додашуда мавриди баррасӣ қарор гирифтанд.
Дар рафти ҷаласа фаъолияти сохторҳои дахлдор таҳлил гардида, ҷиҳати боз ҳам беҳтар намудани самаранокии иҷрои вазифаҳо ва таъмини иҷрои саривақтии нақшаҳои пешбинишуда дастуру супоришҳои мушаххас дода шуданд.
Ҳамчунин, таъкид гардид, ки татбиқи саривақтии чорабиниҳои нақшавӣ ва таҳкими ҳамоҳангии сохторҳо яке аз омилҳои муҳими ноилшавӣ ба натиҷаҳои назаррас ба ҳисоб меравад.
Дар фарҷом, иштирокчиён вазифадор гардиданд, ки барои ҷамъбасти босифати фаъолияти шашмоҳа тадбирҳои иловагӣ андешанд ва иҷрои нишондиҳандаҳои пешбинишударо таъмин намоянд.