Ҳамкорони гиромӣ!
Имсол аз Ғалаба дар Ҷанги Бузурги Ватанӣ 81 сол сипарӣ гардид. Ин санаи таърихӣ рамзи шуҷоат, матонат ва иродаи шикастнопазири халқҳо буда, ёдгори ҷонфидоии миллионҳо нафарест, ки барои ҳифзи озодӣ ва ояндаи наслҳои баъдӣ ҷони худро дареғ надоштанд.
Ҷанги дуюми ҷаҳонӣ яке аз фоҷиабортарин саҳифаҳои таърихи инсоният ба шумор меравад. Дар ин муборизаи сарнавиштсоз фарзандони Тоҷикистон низ саҳми арзанда гузошта, дар майдонҳои набард қаҳрамониҳои бемисл нишон доданд. Беш аз 260 ҳазор нафар аз Тоҷикистон ба ҷанг сафарбар гардида, ҳазорон нафари онҳо дар роҳи дифои Ватан ҷони худро аз даст доданд. Ному корнамоиҳои онҳо ҳамеша дар хотираи мардум боқӣ мемонад.
Дар баробари ин, саҳми ақибгоҳ низ назаррас буд. Мардуми кишвар шабонарӯз заҳмат кашида, қувваҳои мусаллаҳро бо маводи зарурӣ таъмин менамуданд. Ин фидокорӣ низ як намунаи баланди ватандӯстӣ ба ҳисоб меравад.
Рӯзи Ғалаба барои мо рамзи сулҳ, ваҳдат ва зиндагии осоишта мебошад. Дар шароити ҷаҳони муосир, ки ҷаҳон бо таҳдиду мушкилоти гуногун рӯ ба рӯст, ҳифзи сулҳу субот ва амнияти кишвар вазифаи муқаддаси ҳар яки мо мебошад, масъулияти мо дар самти ҳифзи муҳити зист боз ҳам устувор мегардад. Ҳифзи табиат, захираҳои обу замин ва беҳдошти муҳити зист ин саҳми воқеии мо дар таъмини ояндаи солими ҷомеа ва наслҳои оянда арзёбӣ мегардад.
Бо истифода аз фурсати муносиб, ҳамаи Шумо кормандони ҳифзи муҳити зист, дӯстдорони табиат, саҳмдорон ва фаъолони экологиро ба муносибати 81-умин солгарди Ғалабаи кишварҳои собиқ Иттиҳоди Шӯравиро самимона табрик гуфта, бароятон саломатии бардавом, хушбахтӣ ва комёбиҳои нав ба нави фаъолияти касбӣ таманно менамоям.
Бигзор Тоҷикистони азизи мо ҳамеша дар фазои сулҳу субот ва рушду шукуфоӣ қарор дошта бошад!
Рӯзи Ғалаба муборак!