6 апрели соли 2026 ҷаласаи ҳайати мушовараи Кумитаи ҳифзи муҳити зисти назди Ҳукумати Ҷумҳурии Тоҷикистон оид ба ҷамъбасти натиҷаҳои фаъолият дар семоҳаи якуми соли 2026 баргузор гардид. Дар ҷаласа роҳбарияти Кумита, намояндаи Ҳукумати Ҷумҳурии Тоҷикистон роҳбарони сохторҳои марказӣ ва маҳаллии Кумита, муассисаҳо ва ташкилотҳои зертобеъ, инчунин масъулони самтҳои муҳими соҳа иштирок намуданд.
Нахуст раиси Кумитаи мазкур Шерализода Баҳодур Аҳмадҷон ҷаласаро ифтитоҳ намуда, регламенти он тибқи тартиби ҷорӣ муайян гашт. Сипас, Дар муовини якуми раиси Кумита Шукурзода Исфандиёр Шукур оид ба натиҷаҳои фаъолияти Кумита ва сохторҳои он дар семоҳаи якуми соли 2026 ҳисоботи муфассали таҳлилӣ пешниҳод намуд. Дар ҳисобот нишон дода шуд, ки дар давраи ҳисоботӣ фаъолияти Кумита дар самтҳои назорати давлатии экологӣ, ҳифзи захираҳои табиӣ, беҳдошти ҳолати экологии маҳалҳо, пешгирии қонуншиканиҳо, инчунин татбиқи санадҳои меъёриву ҳуқуқӣ ба роҳ монда шуда, як қатор натиҷаҳои назаррас ба даст оварда шуда бошанд ҳам камбудиҳо низ ҷой дорад.
Ҳамзамон, ҳисоботи роҳбарони Сарраёсати ҳифзи муҳити зисти вилоятҳои Суғду Хатлон, шаҳри Душанбе, Раёсати ҳифзи муҳити зист дар минтақаи Кӯлоби вилояти Хатлон, инчунин шуъба ва бахшҳои ҳифзи муҳити зист дар ноҳияҳои тобеи ҷумҳурӣ шунида шуд. Дар ҳисоботҳо вазъи экологии минтақаҳо, натиҷаҳои фаъолияти сохторҳои маҳаллӣ, татбиқи барномаҳои давлатӣ ва мушкилоти мавҷуда мавриди таҳлилва бозпурсӣ қарор дода шуданд.
Таъкид гардид, ки соли 2026, таҷлили 35-солагии Истиқлоли давлатии Ҷумҳурии Тоҷикистон мебошад, бояд бо кӯшишу ғайрати дучанд, ҳамкории зичи байни сохторҳо ва муносибати масъулона ба кор, нишондиҳандаҳои боз ҳам беҳтару назаррасро таъмин намуд.
Дар анҷоми ҷаласа вазифаҳои асосӣ барои семоҳаи минбаъда ва натиҷагирии шашмоҳаи соли ҷорӣ муайян гардида, дар робита ба он қарорҳои дахлдор қабул ва ба масъулони соҳавӣ барои чораҷӯӣ ирсол карда мешавад. .