17 март бо ташаббуси Кумитаи ҳифзи муҳити зисти назди Ҳукумати Ҷумҳурии Тоҷикистон дар бинои Кумитаи мазкур бахшида ба Даҳсолаи байналмилалии амал “Об барои рушди устувор, солҳои 2018-2028” ва Рӯзи ҷаҳонии об Конфренси илмӣ-амалӣ таҳти унвони “Истифода ва ҳифзи захираҳои оби кишвар дар шароити тағйирёбии иқлим: ҳолати кунунӣ ва дурнамо” баргузор гардид.
Дар конфронси мазкур роҳбарият ва кормандони Кумитаи ҳифзи муҳити зист, намояндагон-олимон, мутахассисону коршиносон аз институтҳои дахлдори Академияи миллии илмҳо, Вазорати энергетика ва захираҳои об, Вазорати тандурустӣ ва ҳифзи иҷтимоии аҳолӣ, Вазорати кишоварзӣ, Кумитаи хоҷагии манзилию комуналӣ, Агетии обуҳавошиносӣ ва дигар муассисаҳои кишвар иштирок намуданд.
Дар чорабинӣ намояндагони ниҳодҳои болозикр бо суханрониҳо ва рӯйнамоҳо тадбиру амалҳои нақшавиашонро дар доираи ҳадафҳои Дасолаи байналмилалии амал “Об барои рушди устувор, солҳои 2018-2028” ба самъи иштирокдорон расониданд.
Дар маҷмуъ қайд карда шуд, ки чунин ҳамоишҳои илмӣ амалӣ метавонад барои ҳамкориҳои судманд табодули таҷриба ва ҳалли ҳамгироёнаи масъалаҳои обу экология ва иқлим мусоидат намояд.