Бо мақсади шарҳу тавзеҳи нуқтаҳои асосии Паёми навбатии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва расонидани муҳтавои он ба кормандони Сарраёсати ҳифзи муҳити зист дар вилояти Суғд, инчунин қатъномаи Маҷмаи Умумии СММ оид ба «Ҳифзи пиряхҳо ва криосфера, бахусус дар минтақаҳои кӯҳӣ», дар маҷлисгоҳи сарраёсат ҳамоиши омӯзишӣ баргузор гардид.
Дар ҳамоиш, ки таҳти унвони «Паём – кафили зиндагии шоистаи мардум» доир шуд, намояндагони Кумитаи иҷроияи марказӣ ва вилоятии Ҳизби халқии демократии Тоҷикистон, инчунин намояндаи МДТ «Донишгоҳи давлатии Хуҷанд ба номи академик Б.Ғафуров» иштирок ва суханронӣ карданд.
Зимни чорабинӣ масъалаҳои муҳими дар Паёми Пешвои миллат зикршуда, аз ҷумла рушди иқтисодӣ, дастгирии соҳибкорӣ, таҳкими сулҳу ваҳдати миллӣ, баланд бардоштани масъулияти шаҳрвандӣ, ташаббусҳои байналмилалии Тоҷикистон ва масъалаҳои марбут ба ҳифзи пиряхҳо мавриди баррасӣ қарор гирифтанд.
Ҳамчунин, вобаста ба бо пешниҳоди Тоҷикистон эълон гардидани солҳои 2025–2034 «Даҳсолаи илмҳои криосфера» ва моҳияти қатъномаи Маҷмааи Умумии СММ оид ба муҳити зист доир ба «Ҳифзи пиряхҳо ва криосфера, бахусус, дар минтақаҳои кӯҳӣ» маълумот пешниҳод гардид.
Дар анҷом, устод Турдиев Т.М. китоби тозанашри худ оид ба пиряхҳои Тоҷикистонро ба китобхонаи Сарраёсат тақдим намуд.