9 январи соли ҷорӣ дар Кумитаи ҳифзи муҳити зисти назди Ҳукумати Ҷумҳурии Тоҷикистон ҳамоиши сиёсӣ-маърифатӣ бахшида ба омӯзиш ва шарҳи нуқтаҳои асосии паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон баргузор гардид.
Ҳамоиш таҳти раёсати раиси Кумита доир шуда, дар кори он муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ, вакили Маҷлиси намояндагони Маҷлиси Олии Ҷумҳурии Тоҷикистон Қиёмзода Зарафо, роҳбарият ва кормандони дастгоҳи марказии Кумита иштирок намуданд.
Дар оғози ҳамоиш раиси Кумитаи ҳифзи муҳити зист баромад намуда, муҳтавои Паёми Президенти Ҷумҳурии Тоҷикистонро ҳамчун ҳуҷҷати муҳими сиёсиву барномавӣ шарҳ дода, самтҳои афзалиятноки сиёсати давлатӣ, аз ҷумла масъалаҳои рушди устувор ва ҳифзи муҳити зистро таъкид намуданд.
Дар идома Мавсума Муинӣ ва Қиёмзода Зарафо дар кори ҳамоиши баромад намуда, зимни суханрониҳои худ аҳаммияти паёми Пешвои миллатро дар рушди давлатдорӣ, таҳкими қонунгузорӣ, татбиқи ҳадафҳои стратегӣ, инчунин нақши мақомоти давлатӣ ва ҷомеаро дар иҷрои дастуру супоришҳои соҳаи ҳифзи муҳити зист ва баланд бардоштани маърифати сиёсиву экологӣ муҳим арзёбӣ карданд.
Дар фарҷоми ҳамоиш зарурати омӯзиши амиқ ва татбиқи самараноки паёми Президенти Ҷумҳурии Тоҷикистон ҷиҳати таъмини рушди устувори кишвар ва ҳифзи муҳити зист таъкид гардид.