Имрӯзҳо ҳар як сокини кишвари азизамонро таассуроти нек аз истиқболи солгарди Рӯзи Президенти Ҷумҳурии Тоҷикистон ва Иҷлосияи таърихии XVI Шӯрои Олӣ фаро гирифтааст. Бо хушнудиву сарафрозӣ аз рӯзи нек, ҳамаи Шумо кормандони соҳаи ҳифзи муҳити зист ва муҳофизону дӯстдорони табиати биҳиштосои Тоҷикистони азизро ба ин санаи тақдирсози давлатиамон аз сидқи дил табрику таҳният намуда, пеш аз ҳама ба муҳити хонаводагиву маҳалли зисту кишвари маҳбуб тинҷию осоиштагӣ таманно дорам.
Иҷлосияи XVI Шӯрои Олии Ҷумҳурии Тоҷикистон ба фарзанди барӯманди халқи тоҷик муҳтарам Эмомалӣ Раҳмон ваколати роҳбарӣ ба ҷомеаи Тоҷикистонро дод, ҳамзамон ба души ӯ вазифаи мураккаб, вале муқаддаси бунёди давлати соҳибистиқлол ва демократиро вогузошт.
Пешвои воқеии миллат эътироф шудан дар масири таърихи инсоният ба кам шахсиятҳо муяссар гардидааст. Эҳтироми бузург, қадрдонӣ ва мояи ифтихор донистани ин нобиғаи сиёсат ва давлатдории муосир аз тарафи халқ нишонаи Пешвои муаззами миллат будани Эмомалӣ Раҳмон аст, ки хизматҳои барҷастаашон дар саифаҳои таърихи миллату кишвар ба ҳарфҳои заррин сабт хоҳанд шуд. Маҳбубияте, ки имрӯз Ҷаноби Олӣ дар миёни мардуми кишвар доранд натиҷаи ҳамаи он заҳматҳои беназири дар тули ин солҳо баҳри ваҳдати миллӣ, сулҳу субот, таҳкими пояҳои давлати миллии муосири тоҷикон ва ободии Тоҷикистон анҷомдодаи он кас мебошад. Чунин маҳбубиятро Пешвои муаззами миллат на танҳо дар миёни мардуми Тоҷикистон, балки дар арсаи байналмилалӣ соҳибанд.
Дар раванди пуртазоди ҷаҳонишавӣ, вазъи мураккаб ва ҳассоси сиёсиву иҷтимоии ҷаҳон, муттаҳидию сарҷамъии халқамон атрофи Роҳбари давлат хеле муҳим аст. Имрӯз рисолати таърихии мост, ки Ватан ва давлати соҳибистиқлоли Тоҷикистонро ҳифзу ба ҷаҳониён боз ҳам муаррифӣ намоем.
Бо ҳамин мақсаду ниятҳои нек бори дигар ин санаи тақдирсози миллатро бароятон табрик гуфта, таманнои онро дорам, ки кабутари сулҳ дар фазои орому осоиштаи Тоҷикистони азиз ҳамеша болафшонӣ намуда, мардуми сарбаланди Ватани азизамон зери ҳидояту роҳнамоиҳои Пешвои маҳбуби халқамон муҳтарам Эмомалӣ Раҳмон ба ҳамаи орзуву омол ва зиндагии боз ҳам шоиста ноил гардад.
Саломату сарбаланд бошед, ҳамкорони азиз.