Санаи 30 октябри соли 2025 дар доираи татбиқи қарори Ҳукумати Ҷумҳурии Тоҷикистон «Дар бораи Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023–2030» – дар Кумитаи ҳифзи муҳити зисти назди Ҳукумати Ҷумҳурии Тоҷикистон озмуни ҷумҳуриявии «Беҳтарин хизматчии давлатӣ аз ҳисоби занон» баргузор гардид.
Мақсади асосии баргузории озмун — баланд бардоштани савияи касбӣ, рушду ташаккули иқтидори роҳбарии занон, инчунин фароҳам овардани имкониятҳои баробар барои ишғоли мансабҳои масъул дар хизмати давлатӣ мебошад.