27 октябр семинари машваратии Кумитаи ҳифзи муҳити зист дар бораи “Дастурамал оид ба литсензиякунонии фаъолияти муомилот бо партовҳои хатарнок” мавриди баррасӣ қарор дода шуд.
Дар семинар Дастури мазкур барои кормандони Кумитаи ҳифзи муҳити зист ва шуъбаҳои минтақавии он пешбинӣ шудааст. Ҳадафи он пешниҳоди тавсияҳои амалӣ, марҳила ба марҳила оид ба омодасозӣ, баррасӣ ва додани иҷозатномаҳо барои фаъолиятҳои идоракунии партовҳои хатарнок, инчунин назорати минбаъдаи риояи шартҳои иҷозатнома буда, тибқи талаботҳои муқаррарнамудаи қонунҳои ҳифзи муҳити зист таҳия гардидааст.
Дар семинар директори Маркази миллии иҷрои Конвенсияи Стокголм оид ба ифлоскунандаҳои устувори органикӣ Умед Улуғов, мутахассиси байналмилалӣ оид ба масъалаҳои ҳуқуқии лоиҳаи UNEP Татяна Тугуй ва директори ташкилоти ҷамъиятии “Пешсаф” Руслан Шукуров бо тарзи шифоҳӣ ва рӯйнамоҳо баромад намуданд.
Дар қисмати дигари кори семинар масъалаҳои дар дастурамал дарҷгардида мавриди баррасӣ қарор дода шуданд.