Санаи 10 декабри соли 2025 директори Агентии хоҷагии ҷангали назди Ҳукумати Ҷумҳурии Тоҷикистон Юсуфзода Абдуҷаббор бо сафари корӣ ба ноҳияи Хуросон (Фахробод) ташриф оварда, аз ҷараёни истифодаи самараноки заминҳои хоҷагии ҷангал ва парвариши…
Санаи 10 декабри соли 2025 директори Агентии хоҷагии ҷангали назди Ҳукумати Ҷумҳурии Тоҷикистон Юсуфзода Абдуҷаббор бо сафари корӣ ба ноҳияи Хуросон (Фахробод) ташриф оварда, аз ҷараёни истифодаи самараноки заминҳои хоҷагии ҷангал ва парвариши ниҳолҳои шинонидашуда дар соли 2025 дидан намуд.
Дар доираи сафари корӣ роҳбар аз қитъаҳои кишти туя, санавбар ва писта боздид намуда, раванди нашъунамои ниҳолҳо, сатҳи нигоҳдории онҳо ва иҷрои нақшаи солонаи ниҳолпарвариро баланд арзёбӣ кард. Таъкид гардид, ки рушди устувори хоҷагиҳои ҷангал яке аз самтҳои муҳим дар ҳифзи экосистема, коҳиши оқибатҳои тағйирёбии иқлим ва васеъ намудани масоҳати сабз дар кишвар ба ҳисоб меравад.
Зимни мулоқот бо мутахассисон ва масъулон дастур дода шуд, ки баҳри таъмини иҷрои босифати барномаҳои соҳа, густариши ниҳолхонаҳо ва истифодаи оқилонаи ҳар як қитъаи замин тадбирҳои иловагӣ роҳандозӣ карда шаванд.
Ин боздид барои тақвияти корҳои ниҳолпарварӣ ва баланд бардоштани масоҳати ҷангалзори кишвар аҳамияти махсус дорад.