Иштироки намояндагони Агентии хоҷагии ҷангал дар Ҳамоиши картошкапарварон ва намоишу фуруши картошка
Тибқи ҷадвали баргузории ҷашну солгард, фестивалу намоиш, иду озмунҳои фарҳангиву маърифатӣ ва анъанаю ҳунарҳои мардумӣ дар Ҷумҳурии Тоҷикистон барои соли 2025, ки бо Амри Президенти Ҷумҳурии Тоҷикистон аз 2 январи соли 2025, №АП-713 тасдиқ гардидааст, санаи 29 ноябр дар бозори «Меҳргон»-и пойтахт Ҳамоиши картошкапарварон намоишу фуруши картошка баргузор гардид.
Агентии хоҷагии ҷангали назди Ҳукумати Ҷумҳурии Тоҷикистон ва ташкилоту муассисаҳои системаи он дар чорабинии мазкур фаъолона иштирок намуда, навъҳои гуногуни картошкаро ба намоиш гузошта шуданд.
Меҳмонон имконият пайдо карданд, ки бо гуногуни ғизои аз картошка тайёр кардашуда шинос шаванд ва бо нархҳои дастрас ин маҳсулотро харидорӣ намоянд.
Картошка яке аз зироатҳои асосии кишоварзии кишвар ба ҳисоб меравад ва миёни аҳолӣ талаботи баланд дорад. Тибқи иттилои Созмони озуқаворӣ ва кишоварзии Созмони Миллали Муттаҳид дар истеҳсоли ҷаҳонӣ картошка баъд аз гандум, биринҷ ва ҷуворӣ ҷойи намоён дорад.
Аз ҷониби Вазорати кишоварзӣ беҳтарин истеҳсолкунандагон барои саҳм гузоштан дар ташкил ва баргузории чорабинӣ бо ифтихорномаҳо қадрдонӣ карда шуданд.