Имрӯз ҷаласаи якуми ситоди доимоамалкунанда дар назди сардори Хадамоти зиддиинҳисории назди Ҳукумати Ҷумҳурии Тоҷикистон баргузор гардид. Дар кори он роҳбарияти хадамот, сардорони раёсатҳо ва масъулини шаҳру навоҳии кишвар иштирок намуда, вобаста ба масъалаҳои зерин ибрози назар намуданд:
Роҳбарияти ситод таъкид намуданд, ки фаъолияти Ситод бояд ба таҳлилҳои амиқ, маълумоти саҳеҳ, мониторинги мунтазам ва қабули қарорҳои саривақтӣ асос ёбад.
Инчунин дар раванди ҷаласа сабабу омилҳои болоравии нархи маводи сузишворӣ, пешгирӣ аз болоравии беасоси нархи он ва роҳҳои ҳалли мушкилоти ҷойдошта баррасӣ шуд.
Ҳамзамон танзими нархи маводи ниёзи аввал ва аз лиҳози иҷтимоӣ зарурӣ дар бозорҳо, маниторинги саривақтии молу маҳсулот махсусан семент, таъсири болоравии нархи маводи сузишворӣ ва таъсири он ба арзиши дигар маҳсулоти ниёзи мардум мавриди баррасии амиқ қарор гирифт.
Дар охири ҷаласа ба аъзои ситод дастур дода шуд, ки мониторинги маҳсулоти аз лиҳози иҷтимоӣ заруриро дар шаҳру навоҳии ҷумҳурӣ гузаронида аз натиҷаи он гузоришҳои таҳлилӣ ба роҳбарияти ситод пешниҳод намоянд.