Дар Хадамоти зиддиинҳисории назди Ҳукумати Ҷумҳурии Тоҷикистон бо иштироки роҳбарият, сардорони раёсату шуъба ва кормандон ҷашни байналмилалии Наврӯз бо шукӯҳи хоса ва риояи суннату оинҳои он таҷлил гардид. Дар намоишгоҳи наврўзӣ суфраи ҳафт сину…
Дар Хадамоти зиддиинҳисории назди Ҳукумати Ҷумҳурии Тоҷикистон бо иштироки роҳбарият, сардорони раёсату шуъба ва кормандон ҷашни байналмилалии Наврӯз бо шукӯҳи хоса ва риояи суннату оинҳои он таҷлил гардид.
Дар намоишгоҳи наврўзӣ суфраи ҳафт сину ҳафт шин, таомҳои миллӣ, хусусан хӯрокҳои наврӯзӣ, либоси миллӣ, оинҳои наврўзӣ, ҳунарҳои мардумӣ ва дигар дастовардҳо муаррифӣ гардид.
Ойинҳои наврӯзӣ сарчашмаи бузурги ахлоқиву тарбиявӣ мебошанд ва аҳли башарро ба таҳаммулгароӣ, бунёдкориву созандагӣ, офаридани зебоӣ ва зебоипарастӣ ҳидоят менамоянд.
Таъкид шуд, ки баъди ба даст овардани Истиқлолияти давлатӣ, Ҳукумати ҶТ ба таъриху фарҳанг ва ҷашну маросими миллӣ диққати ҷиддӣ дода, барои эҳёи арзишҳои миллӣ саъю талош менамояд. Дар қатори ҷашнҳои миллию мардумӣ таҷлили ҷашни Наврӯз миёни сокинони Тоҷикистон мақоми хоса дорад. Наврӯз яке аз қадимтарин ҷашнҳои мардумӣ буда, таърихи беш аз шашҳазорсола дорад ва бо пешниҳоду талошҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон аз ҷониби ЮНЕСКО чун мероси фарҳангии ҷаҳон пазируфта шуд.