Дар арафаи Иди саиди Фитр аз ҷониби роҳбарият ва кормандони Хадамоти зиддиинҳисории назди Ҳукумати Ҷумҳурии Тоҷикистон дар ҳамкории зич бо дигар мақомоти салоҳиятдор гурӯҳҳои кории муштарак таъсис дода шуда, мониторинги вазъи нархи маҳсулотҳои ниёзи аввал дар бозорҳо гузаронида шуд.Мақсад аз гузаронидани чорабиниҳои мазкур ин пешгирии болоравии беасоси нархҳо, таъмини фаровонии бозорҳо, ва гузаронидани корҳои фаҳмонидадиҳӣ баҳисоб меравад. Ёдовар мешавем, ки чунин гуруҳҳои корӣ на танҳо дар шаҳри Душанбе балки дар дигар минтақаҳои ҷумҳурӣ аз ҳисоби сохторҳои маҳаллии Хадамот таъсис дода шуда, фаъолияти онҳо аз ҷониби дастгоҳи марказии Хадамот ҳамоҳанг карда мешавад.Дар ҷараёни гузаронидани мониторинги вазъи бозорҳо маълум гардид, ки маҳсулотҳои ниёзи аввал дар бозор таъмин буда, нархи онҳо муътадил арзёбӣ мегардад.Новобаста аз он аз ҷониби роҳбарият ва кормандони Хадамот миёни соҳибкорон корҳои фаҳмондадиҳӣ гузаронида шуда, таъкид карда шуд, ки ба беасос боло бурдани нарх роҳ надода, рақобати солимро дар бозор таъмин намоянд.