(+992-37) 227-94-20
(+992-37) 227-95-02
(+992-37) 227-94-13
(+992-37) 221-54-25
(+992-37) 221-08-49
(+992-37) 227-97-23
Санаи 22 сентябри соли 2026 дар қароргоҳи Созмони озуқаворӣ ва кишоварзии Созмони Милали Муттаҳид (FAO) дар шаҳри Рими Ҷумҳурии Италия, мулоқоти Раиси Кумитаи бехатарии озуқавории назди Ҳукумати Ҷумҳурии Тоҷикистон муҳтарам Файзуллозода Муҳаммадсаид Убайдулло бо муовини Директори генералии ФАО, Директори Департаменти истеҳсолот ва саломатии ҳайвонот муҳтарам Танават Тиенсин баргузор гардид.
Дар оғози вохӯрӣ ҷонибҳо ба масъалаҳои таҳкими ҳамкориҳои дуҷониба миёни Ҷумҳурии Тоҷикистон ва ФАО дар самти бехатарии озуқаворӣ, истеҳсолоти кишоварзӣ, чорводорӣ ва татбиқи муносибати «Солимии ягона» (One Health) таваҷҷуҳ зоҳир намуданд.
Дар ҷараёни вохӯрӣ Раиси Кумита муҳтарам Файзуллозода Муҳаммадсаид Убайдулло оид ба вазъи соҳаи бехатарии озуқаворӣ, чорводорӣ ва саломатии ҳайвонот дар Ҷумҳурии Тоҷикистон маълумот пешниҳод намуда, самтҳои афзалиятноки ҳамкориҳои минбаъдаро муаррифӣ карданд.
Аз ҷумла, масъалаҳои таҳкими ҳамкориҳои байнисоҳавӣ миёни соҳаҳои тандурустӣ, ҳифзи муҳити зист, кишоварзӣ ва байторӣ, мубодилаи маълумот, пешгирии бемориҳои ҳайвонот, назорати хавфҳои марбут ба бехатарии озуқаворӣ ва татбиқи принсипҳои «Солимии ягона» мавриди баррасӣ қарор гирифтанд.
Дар фарҷом ҷонибҳо омодагии худро барои идомаи ҳамкориҳои самаранок ва таҳкими ҳамкориҳои техникӣ дар самтҳои мавриди таваҷҷуҳи тарафайн таъкид намуданд.