(+992-37) 227-94-20
(+992-37) 227-95-02
(+992-37) 227-94-13
(+992-37) 221-54-25
(+992-37) 221-08-49
(+992-37) 227-97-23
Дар доираи сафари корӣ ба шаҳри Рими Ҷумҳурии Италия, санаи 22 сентябри соли 2026 мулоқоти Раиси Кумитаи бехатарии озуқавории назди Ҳукумати Ҷумҳурии Тоҷикистон муҳтарам Файзуллозода Муҳаммадсаид Убайдулло бо директори Шуъбаи истеҳсолот ва ҳифзи растаниҳои Созмони озуқаворӣ ва кишоварзии Созмони Милали Муттаҳид (ФFAO) ҷаноби Юрди Ясми (Yurdi Yasmi) баргузор гардид.
Дар вохӯрӣ ҷонибҳо масъалаҳои рушди ҳамкориҳои Ҷумҳурии Тоҷикистон бо ФАО дар самти ҳифзи растаниҳо, карантини растаниҳо, бехатарии озуқаворӣ ва рақамикунонии соҳаро мавриди баррасӣ қарор гирифтанд.
Ҷонибҳо ба аҳамияти татбиқи Конвенсияи байналмилалии ҳифзи растаниҳо (IPPC) ҳамчун заминаи муҳими ҳамкориҳои байналмилалӣ дар самти пешгирӣ ва паҳншавии ҳашароти зараррасон ва бемориҳои растаниҳо, инчунин таъмини бехатарии маҳсулоти растанӣ таваҷҷуҳ зоҳир намуданд. Таъкид гардид, ки Ҷумҳурии Тоҷикистон дар доираи ин механизм бо давлатҳои аъзо ҳамкориҳои байналмилалиро ба роҳ мондааст.
Дар ҷараёни мулоқот масъалаи рақамикунонии соҳаи ҳифзи растаниҳо ва карантин, аз ҷумла истифодаи воситаҳои рақамӣ барои мубодилаи маълумот, соддагардонии расмиёти карантинӣ ва баланд бардоштани самаранокии назорати фитосанитарӣ, баррасӣ гардид.
Ҳамчунин, масъалаи таъсис ва рушди қитъаҳои карантинӣ ва минтақаҳои махсуси назоратшаванда дар Ҷумҳурии Тоҷикистон барои пешгирии паҳншавии организмҳои зараровар ва таъмини бехатарии маҳсулоти кишоварзӣ мавриди таваҷҷуҳ қарор гирифт.
Раиси Кумита таъкид намуданд, ки рушди чунин қитъаҳо метавонад барои беҳтар намудани назорати фитосанитарӣ, рушди истеҳсолоти кишоварзӣ ва фароҳам овардани шароити мусоид барои содироти маҳсулоти растанӣ мусоидат намояд.
Инчунин иброз гардид, ки ФАО ҳамчун ташкилоти махсус дар самти дастгирит молиявию техникии Созмони Милали Муттаҳид дар рушди иқтидори миллӣ ва ҷорӣ намудани таҷрибаи пешрафтаи байналмилалӣ дар соҳаи ҳифзи растаниҳо ва бехатарии озуқаворӣ нақши муҳим дорад. Аз ин рӯ, барои таҳия ва татбиқи чораҳои мушаххас ҳамкории минбаъдаи техникӣ миёни Кумита ва ФАО зарур мебошад.
Дар фарҷоми мулоқот ҷонибҳо омодагии худро барои таҳкими ҳамкориҳо дар самтҳои рақамикунонии соҳа, ҳифзи растаниҳо, карантини фитосанитарӣ, таъсиси қитъаҳои карантинӣ ва баланд бардоштани иқтидори техникии Ҷумҳурии Тоҷикистон иброз намуданд