Мулоқоти муовини Раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба тартиботи ҳуқуқӣ, мудофиа ва амният, генерал майори милитсия, номзади илмҳои ҳуқуқшиносӣ муҳтарам Саидвализода Барно Саиднабӣ бо интихобкунандагони ноҳияи Шамсиддин Шоҳин дар бораи мавзуи Паёми Президенти Ҷумҳурии Тоҷикистон .
Санаи 23 декабри соли 2025 дар толори мақомоти иҷроияи маҳаллии ҳокимияти давлатии ноҳияи Шамсиддин Шоҳин ҷиҳати шарҳу тавзеҳи Паёми Президенти Ҷумҳурии Тоҷикистон ба Маҷлиси Олии мамлакат ва дигар масъалаҳои мубрами рӯз вохӯрии муовини Раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба тартиботи ҳуқуқӣ, мудофиа ва амният, генерал майори милитсия, номзади илмҳои ҳуқуқшиносӣ муҳтарам Саидвализода Барно Саиднабӣ бо фаъолони ноҳия баргузор гардид.
Дар вохӯрӣ муовини якум муовинон, роҳбари дастгоҳ, мудирони шуъбаю бахшҳои дастгоҳи раис ва воҳидҳои сохтории мақомоти иҷроияи ҳокимияти давлатии ноҳия, роҳбарони ташкилоту муассисаҳо, роҳбарони мақомоти ҳифзи ҳуқуқ, раисони ҷамоатҳои деҳот ва кумитаҳои маҳаллаҳо, қисман омузгорони муассисаҳои таҳсилоти миёнаи умумӣ, кормандони соҳаҳои тандурустӣ, фарҳанг, сохторҳои ҷавонон, ходимони дин, собиқадорони меҳнат ва дигар фаъолони ноҳия иштирок намуданд.
Нахуст раиси ноҳия муҳтарам Гулзода Зафар Шамсуддин ба сухан баромада қайд намуданд, ки бо мақсади иҷрои дастуру супоришҳои Асосгузори сулҳу ваҳдати миллӣ-Пешвои муаззам миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паёми навбатиашон, санаи 16 декабри соли 2025 ироа гардид дар асоси Нақшаи чорабиниҳои Маҷлиси намояндагони Маҷлиси Олии Ҷумҳурии Тоҷикистон вохӯрии вакилон бо сокинону фаъолони ҳавзаҳои интихоботиашон баргузор гашта истодааст.
Раиси ноҳия муҳтарам Гулзода Зафар Шамсуддин аз нуқтаҳои паёми имсолаи роҳбари давлат ёдовар гардида, зикр намуданд, ки ҳадафҳои стратегии мамлакат аз ҷумла баровардани мамлакат аз бумбасти коммуникатсионӣ, ба даст овардани амнияти озуқаворӣ, расидан ба истиқлолияти комили энергетикӣ, саноатикунонии бо суръати кишвар, сиёсати дарҳои кушод, огоҳонидани мардум аз хатарҳои терроризму экстремизм, гаравидани ҷавонон ба ҳизбу ҳаракатҳои иртиҷоӣ, нақши занону бонувон дар пешбурди соҳаҳои гуногуни мамлакат дар меҳвари асосии давлату ҳукумати мамлакат қарор доранд. Раиси ноҳия ҳар як нуқтаи Паёми Президенти кишварро шарҳу тавзеҳ дода, сокинонро ба меҳнати ҳалолу ташаббускорӣ даъват намуданд.
Муовини Раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба тартиботи ҳуқуқӣ, мудофиа ва амният, генерал майори милитсия, номзади илмҳои ҳуқуқшиносӣ муҳтарам Саидвализода Барно Саиднабӣ зимни баромади хеш таъкид доштанд, ки Паёми Президенти кишвар “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” ҳуҷҷати расмӣ ва муҳими барномавӣ буда, муайянкунандаи рушди иҷтимоиву иқтисодӣ ва фарҳангию сиёсии Тоҷикистон ба шумор меравад.
Зикр гардид, ки Президенти кишвар таъкид намуданд, ки баланд бардоштани сатҳу сифати зиндагии мардуми кишвар ҳадафи олии давлат ва Ҳукумати мамлакат ба ҳисоб меравад ва дар ин ҷода минбаъд низ тамоми тадбирҳои зарурӣ андешида мешаванд. Ҳар як шаҳрванд ва ҳар як оила бояд бо дарки масъулияти ватансозиву давлатсозӣ, пеш аз ҳама, хонаву кошона ва кӯчаву маҳалли зисти худро таъмиру тармим ва тозаву озода намояд.
Президенти кишвар дар Паёми хеш, соли 2026-ро «Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ» эълон карданд.
Дар баромадҳо таъкид гардид, ки мо, сокинони кишвар вазифадорем, ки нишондодҳои Паёми Президенти мамлакат ба Маҷлиси Олиро сармашқи фаъолият қарор дода, баҳри ободониву шукуфоии кишвар аз ҳар вақта дида беҳтару хубтар кору зиндагӣ кунем. Ҳамчунин мавсуф зимни баромади хеш роҷеъ ба масъалаҳои занону бонувон, ҷавонон ва варзиш, рушди маорифу фарҳанг, тандурустӣ, ҳифзи иҷтимоӣ, амнияту субот, пешгирии терроризм, бегонапапарастӣ ва дигар масъалаҳои мубрам, ки дар Паёми навбатии Пешвои муаззами миллат муҳтарам Эмомалӣ Раҳмон ба Маҷлиси Олии мамлакат ироа гардиданд, изҳори назар намуданд.
Дар ҷамъбасти вохӯрӣ раиси ноҳия муҳтарам Гулзода Зафар Шамсуддин зикр намуданд, ки бо итминони комил гуфта метавонем, ки фаъолони ноҳия бо натиҷагирӣ аз дастурҳои навбатӣ хулосабарорӣ намуда, барои боз ҳам ободу пешрафта гардидани кишвари маҳбубамон Toҷикистон, аз тамоми захираву имкониятҳои мавҷуда истифода карда, бо шукргузорӣ аз тинҷиву оромӣ, корҳои ободонию созандагиро бахшида ба таҷлили ҷашни бузурги миллӣ 35-солагии Истиқлоли давлатӣ вусъат хоҳанд дод.