22 сентябри соли 2026 вохӯрии Вазири рушди иқтисод ва савдо/мудири кишварии Гурӯҳи Бонки Исломии Рушд (БИР) аз Тоҷикистон Абдураҳмонзода Абдураҳмон Сафаралӣ бо Роҳбари навтаъини Дафтари минтақавии Гурӯҳи БИР Ҳаммад Зафар Ҳундал баргузор гардид.
Дар оғози мулоқот Абдураҳмонзода А. С. роҳбари навтаъйини дафтари минтақавии Бонки Исломии Рушдро барои таъйин шуданаш ба ин мансаби масъулиятнок табрик намуда, изҳори боварӣ намуданд, ки фаъолияти минбаъдаи ҳамкориҳои судманди байни Тоҷикистон ва Бонки Исломии Рушд дар давраи роҳбарии Ҳаммад Зафар Ҳундал рушд хоҳад ёфт.
Ҳамзамон Абдураҳмонзода А. С. қайд намуд, ки таҳти роҳбарии сиёсати дурбинонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳамкориҳо миёни Ҷумҳурии Тоҷикистон ва БИР дар солҳои охир ба сатҳи сифатан нав расидаанд.
Дар доираи вохӯрӣ рафти татбиқи портфели амалкунандаи лоиҳаҳои БИР дар Тоҷикистон, лоиҳаҳои афзалиятнок барои солҳои 2027-2028, масъалаҳои муҳими рушди инфрасохтор, энергетика, обёрӣ ва маориф мавриди муҳокима қарор гирифтанд.
Дар анҷоми вохӯрӣ ҷонибҳо барои боз ҳам густариш додани ҳамкориҳои мутақобилан судманд изҳори омодагӣ намуданд.