25 августи соли 2026 дар Вазорати корҳои хориҷии Ҷумҳурии Тоҷикистон Конфронси байналмилалӣ таҳти унвони «Тоҷикистон ва 35 соли соҳибистиқлолӣ: Таҷрибаи сулҳофарӣ, сиёсати бисёрсамта ва рушди устувор» бо суханронии ифтитоҳии Муовини якуми Сарвазири Ҷумҳурии Тоҷикистон муҳтарам Холиқзода Ҳоким Ҳикматулло ва бо иштироки роҳбарони вазорату идораҳо, намояндагони корпуси дипломатӣ, созмонҳои байналмилалӣ, коршиносон ва меҳмонон аз кишварҳои гуногун баргузор гардид, ки дар кори он Вазири рушди иқтисод ва савдо Абдураҳмонзода Абдураҳмон Сафаралӣ суханронӣ намуд.
Конфронс ба истиқболи ҷашни 35-солагии Истиқлоли давлатии Ҷумҳурии Тоҷикистон бахшида шуда, аз ҷониби Вазири рушди иқтисод ва савдо дар мавзуи «Ҳамкории мақомоти давлатӣ, ҷомеаи илмӣ ва корпуси дипломатӣ дар пешбурди сиёсати хориҷӣ», маъруза пешниҳод гардида, дастовардҳои иқтисодии кишвар дар давоми соҳибистиқлолӣ ва ҳамкории созандаи Тоҷикистонро бо ҷомеаи ҷаҳонӣ омилҳои муҳими рушди устувори иқтисодиву иҷтимоӣ арзёбӣ намуд.