13 августи соли 2026 дар Вазорати рушди иқтисод ва савдои Ҷумҳурии Тоҷикистон ифтитоҳи расмии татбиқи лоиҳаи «Тақвияти рақамикунонии вазифаҳои давлатии Ҷумҳурии Тоҷикистон» бо Агентии ҳамкориҳои байналмилалии Корея (KOICA) таҳти роҳбарии муовини вазири рушди иқтисод ва савдои Ҷумҳурии Тоҷикистон Нуриддинзода Аҳлиддин Нуриддин баргузор гардид.
Дар оғози ҷаласа Нуриддинзода А. Н. намояндагони Агентии ҳамкориҳои байналмилалии Корея (KOICA)-ро вобаста ба ташрифашон хайрамақдам гуфта, иброз дошт, ки маҳз бо шарофати сиёсати хирадмандона ва дурандешонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муносибатҳои дуҷонибаи иқтисодии Ҷумҳурии Тоҷикистон бо Ҷумҳурии Корея рушд ёфта истодааст.
Дар идомаи ҷаласа Директори Дафтари Агентии ҳамкориҳои байналмилалии Корея (KOICA) Канг Сонг Ҳун омодагиро ҷиҳати воридсозии рақамигардони бизнес равандҳои Вазорати рушди иқтисод ва савдо иброз дошта, қайд намуданд, ки ташрифи мутахассисони соҳавӣ ва оғози расмии амалисозии лоиҳаи мазкур қадами муҳим барои расидан ба ҳадафҳои ба нақша гирифташудаи дуҷониба мебошад.
Дар фарҷоми ҷаласа Муовини вазири рушди иқтисод ва савдо Нуриддинзода А. Н. ба KOICA барои дастгирӣ ва ҳамкории судманд изҳори сипос намуда, ба мутахассисони лоиҳа дар татбиқи самараноки он муваффақият орзу намуд.