18 декабри Соли 2024 дар Шаҳри Душанбе ҷаласаи ҳафтуми комиссияи Байниҳукуматии тоҷикистону озарбойҷон оид ба ҳамкории иқтисодӣ бо иштироки ҳайатҳои расмии ду кишвар Бо сарварии Вазири рушди иқтисод Ва савдои Ҷумҳурии Тоҷикистон Завқизода Завқӣ Амин Ва Вазири экология Ва захираҳои табиии Ҷумҳурии Озарбойҷон Бобоев Мухтор баргузор гардид.
Дар доираи ҷаласаи Комиссия мулоқоти дуҷонибаи ҳамраисон ва намояндагони бахшҳои гуногуни иқтисодиет баргузор гардид. Завқизода З. А. қайд намуд, ки муносибатҳои дӯстонаи Тоҷикистону Озарбойҷон бо шарофати сиесати оқилонаи сарони ду давлат - асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Муҳтарам Эмомалӣ Раҳмон ва Президенти Ҷумҳурии Озарбойҷон Муҳтарам Илҳом Алиев — пайваста тақвият ефта, ба сатҳи шарикии стратегӣ расидаанд.
Завкизода З. А.Мухтор Баҳодурро Бо муваффақияти СОР-29 Ҳамчун Президент табрик гуфт. Таъкид гардид, ки ҷаласаи мазкур барои татбиқи банди Эъломияи шарикии стратегӣ, ки 23 майи соли 2024 ба имзо расидааст, инчунин барои рушди ҳамкориҳои тиҷоративу иқтисодӣ, сармоягузорӣ ва саноатӣ заминаи муҳим мегузорад.
Дар ҷаласаи Комиссия масъалаҳои рушди ҳамкории тиҷоратӣ, саноатӣ, энергетикӣ, кишоварзӣ, нақлиет, фарҳанг ва маориф баррасӣ шуданд. Ҷонибҳо дар бораи таҳкими ҳамкорӣ дар соҳаи рушди энергетикаи сабз, таъсиси корхонаҳои муштараки саноатӣ, аз ҷумла истеҳсоли алюминий, коркарди нафт ва масолеҳи сохтмонӣ, инчунин густариши ҳамкорӣ дар соҳаи нақлиет ва логистика ба мувофиқа расиданд.
Ба ақидаи тарафҳо, татбиқи ин ташаббусҳо ба афзоиши гардиши мол, ҷалби сармоягузорӣ ва таъсиси ҷойҳои нави корӣ мусоидат хоҳад кард. Дар натиҷаи ҷаласа Протоколи ҳафтуми комиссияи Байниҳукуматии Тоҷикистон ва Озарбойҷон ба имзо расид.
Чорабиниҳо дар фазои ҳамдигарфаҳмӣ ва иродаи нек гузаронида шуданд, ҷонибҳо омодагии худро барои истифодаи пурраи имкониятҳои мавҷуда ва татбиқи лоиҳаҳои муштараки саноатӣ, тиҷоратӣ ва сармоягузорӣ изҳор карданд.
Ҳайати расмии Ҷумҳурии Озарбойҷон таҳти роҳбарии Вазири экология ва захираҳои табиӣ аз 17 декабр дар Душанбе қарор дорад ва дар ҷараени сафари худ бо таърихи бой ва фарҳанги қадимаи мардуми тоҷик шинос шуд.