15 июли соли 2026 дар шаҳри Ню-Йорк Вазири рушди иқтисод ва савдо Абдураҳмонзода Абдураҳмон Сафаралӣ бо Ёвари Дабири кулли Созмони Милали Муттаҳид оид ба рушди иқтисодӣ Навид Ҳаниф мулоқот анҷом дод.
Зимни мулоқот ҷонибҳо масъалаҳои вобаста ба татбиқи Рӯзномаи рушди устувор то соли 2030, натиҷаҳои бадастомадаи Конфронси чоруми Душанбе оид ба татбиқи Даҳсолаи байналмилалии амал «Об барои рушди устувор, солҳои 2018–2028», инчунин омодагӣ ба чорабиниҳои минбаъдаи Созмони Милали Муттаҳид дар соҳаи захираҳои обро мавриди баррасӣ қарор доданд.
Дар анҷоми мулоқот ҷонибҳо таҳкими ҳамкориҳо дар самти татбиқи Барномаи миёнамуҳлати рушди Ҷумҳурии Тоҷикистон барои солҳои 2026–2030, Ҳадафҳои рушди устувор, пешбурди ташаббусҳои байналмилалии Тоҷикистон дар соҳаи об, ҳифзи пиряхҳо ва мутобиқшавӣ ба тағйирёбии иқлимро муҳим арзёбӣ намуданд.