8 июли соли 2026 бо мақсади иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Роҳбари Дастгоҳи иҷроияи Президенти Ҷумҳурии Тоҷикистон дар ноҳияи Панҷ бо иштироки муовини вазири рушди иқтисод ва савдо…
8 июли соли 2026 бо мақсади иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Роҳбари Дастгоҳи иҷроияи Президенти Ҷумҳурии Тоҷикистон дар ноҳияи Панҷ бо иштироки муовини вазири рушди иқтисод ва савдо Нуриддинзода Аҳлиддин Нуриддин маҷлиси ҷамъбастии оид ба натиҷаҳои рушди иҷтимоию иқтисодии ноҳия дар нимсолаи якуми соли 2026 ва вазифагузориҳо барои нимсолаи дуюм баргузор гардид.
Дар маҷлис гузориши роҳбарияти ноҳия оид ба ҷамъбасти натиҷаҳои соҳаҳои иҷтимоию иқтисодии ноҳия, фаъолияти мақомоти иҷроияи ҳокимияти давлатии ноҳияи Панҷ нимсолаи якуми соли 2026 ва рафти иҷрои Нақшаи чорабиниҳои корҳои ободонию бунёдкорӣ бахшида ба ҷашни 35 - солагии Истиқлоли давлатӣ шунида шуда, вазифаҳо барои нимсолаи дуюм муайян карда шуданд.
Нуриддинзода Аҳлиддин Нуриддин ба масъулини мақомоти иҷроияи ҳокимияти давлатии ноҳияи Панҷ ҷиҳати иҷрои саривақтию сифатноки дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ташкили корҳои ободонию бунёдкорӣ бахшида ба ҷашни 35-солагии Истиқлоли давлатӣ, аз ҷумла таъсиси коргоҳу корхонаҳои истеҳсолӣ ва сохта ба истифода додани иншоотҳои ҷашнӣ, иҷрои босифати барномаҳои давлатӣ бо истифодаи оқилонаи заминҳо, гирифтани 3-4 ҳосил ва ҷамъоварии пурраи маҳсулоти кишоварзӣ, тақвияти корҳои фаҳмондадиҳӣ ҷиҳати роҳ надодан ба исрофкорӣ ҳангоми таҷлили ҷашну маросимҳо, баланд бардоштани маърифати ҳуқуқию ватандӯстии сокинон, пешгирии ҷинояткорӣ ва шомилшавии ҷавонон ба ҳизбу ҳаракатҳои ифротӣ, таҳлили камбудиҳои ҷойдошта, андешидани тадбирҳо барои бартарафсозии онҳо ва назорати қатъии иҷрои нақшаҳои давлатӣ дар ноҳия супоришҳои дахлдор доданд.