7 июли соли 2026 дар Вазорати рушди иқтисод ва савдои Ҷумҳурии Тоҷикистон мулоқоти Вазири рушди иқтисод ва савдо Абдураҳмонзода Абдураҳмон Сафаралӣ бо Раиси Агентии давлатии ҳамкориҳои байналмилалӣ ва рушди Ҷумҳурии Мардумии Чин (CIDCA) Чэн Сяодун баргузор гардид.
Зимни мулоқот ҷонибҳо сатҳи баланди муносибатҳои Тоҷикистону Чинро, ки ба сиёсати хирадмандона ва дурандешонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин ба сатҳи шарикии стратегии ҳамаҷониба расидааст, баланд арзёбӣ намуданд.
Инчунин ҷонибҳо масъалаҳои таҳкими ҳамкориҳо дар самти ҷалби грантҳо ва кумаки техникӣ, рушди инфрасохтори нақлиётӣ дар шаҳри Душанбе, бунёди корхонаи муосири коркарди партовҳо бо истеҳсоли неруи барқ, рушди сармояи инсонӣ, татбиқи лоиҳаҳои зербиноӣ, густариши ҳамкорӣ дар соҳаҳои маориф, тандурустӣ, инфрасохтори коммуналӣ, рушди иқтисоди «сабз» ва ҷалби сармоягузорӣ ба минтақаҳои озоди иқтисодиро мавриди баррасӣ қарор доданд.
Дар анҷоми мулоқот ҷонибҳо омодагии худро ҷиҳати таҳкими минбаъдаи ҳамкориҳои амалӣ, татбиқи мувофиқаҳои дар сатҳи олӣ бадастомада ва пешбурди лоиҳаҳои муштарак иброз намуданд.