23 июни соли 2026 дар шаҳри Венаи Австрия мулоқоти Вазири рушди иқтисод ва савдо Абдураҳмонзода Абдураҳмон Сафаралӣ бо муовини Директори генералӣ ва Директори иҷроияи директорати ҳамкории техникӣ ва рушди устувори саноатии ниҳоди Созмони Милали Муттаҳид оид ба рушди саноат (ЮНИДО) Сийонг Зоу баргузор гардид.
Дар мулоқот ҷонибҳои ташаббусҳои ҷорӣ ва ҳамкории техникӣ дар самтҳои саноат, зеҳни сунъӣ, рақамикунонии соҳаҳо ва дигар масъалаҳоро мавриди баррасӣ қарор доданд.
Абдураҳмонзода Абдураҳмон Сафаралӣ зимни баромади худ қайд намуд, ки бо дастгирӣ ва ташаббусҳои созандаю бунёдкоронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Тоҷикистон ба марҳилаи нави рушд ворид шуда, рушди саноат, рақамикунонии соҳаҳо, зеҳни сунъӣ ва иқтисоди сабзро самтҳои асосии рушди иқтисодиёти кишвар арзёбӣ кард.