18 июни соли 2026 дар шаҳри Душанбе ифтитоҳи Намоишгоҳи байналмилалии молу хизматрасониҳо барои саломатӣ ва зебоӣ «INTER HEALTH & BEAUTY TAJIKISTAN – 2026» баргузор гардид.
Дар чорабинӣ муовини Вазири рушди иқтисод ва савдои Ҷумҳурии Тоҷикистон Восидиён Фарҳод Саъдулло иштирок намуд.
Намоишгоҳи мазкур аз 18 то 20 июни соли 2026 дар Маркази байналмилалии ЭКСПО-и шаҳри Душанбе бо ташкили Палатаи савдо ва саноати Ҷумҳурии Тоҷикистон ва бо дастгирии Ҳукумати Ҷумҳурии Тоҷикистон баргузор мегардад.
Дар доираи чорабинӣ вохӯриҳои дуҷониба ва музокироти корӣ баргузор гардида, дар натиҷаи онҳо се меморандуми ҳамкорӣ ба имзо расид. Аз ҷумла, байни Маъмурияти МОИ «Панҷ» ва Палатаи савдо ва саноати вилояти Хатлон, инчунин бо ширкатҳои Ҷумҳурии Исломии Эрон – SEPID TAN PARNIYAN POUYESH CO. (CURED Medical) ва Rah Roshd International Co. Ltd созишномаҳои ҳамкорӣ оид ба рушди ҳамкориҳои иқтисодӣ, ҷалби сармоягузорӣ ва татбиқи лоиҳаҳои муштарак ба имзо расиданд.
Баргузории чунин чорабиниҳо ба рушди соҳибкорӣ, густариши робитаҳои тиҷоратию сармоягузорӣ ва муаррифии имкониятҳои бозори Тоҷикистон мусоидат менамояд.