Аз 4 то 6 июни соли 2026 дар шаҳри Тошканди Ҷумҳурии Узбекистон ҷаласаи дуюми Муколамаи Термиз таҳти унвони «Сулҳ, пайвастагӣ ва шукуфоӣ: ташаккули асосҳои ояндаи муштарак» баргузор гардид, ки дар он муовини вазири рушди иқтисод ва савдои Ҷумҳурии Тоҷикистон Насриддинзода Рухшона Ҳикматулло иштирок намуд.
Зимни чорабинӣ муовини вазир бо маърӯза баромад намуда, аҳаммияти таҳкими минбаъдаи ҳамкории минтақавӣ, рушди пайвастагии нақлиётиву логистикӣ, густариши робитаҳои тиҷоратию иқтисодӣ миёни кишварҳои Осиёи Марказӣ ва Ҷанубӣ, инчунин такмили механизмҳои тиҷорат ва рақамикунонии иқтисодро таъкид кард.
Таваҷҷуҳи махсус ба масъалаҳои рушди долонҳои байналмилалии нақлиётӣ, ҳамкории энергетикӣ, пешбурди иқтисоди «сабз» ва ҷалби сармоягузорӣ ба соҳаҳои афзалиятнок зоҳир гардид. Қайд карда шуд, ки Ҷумҳурии Тоҷикистон пайваста ҷонибдори густариши ҳамкории минтақавӣ, бартараф намудани монеаҳои тиҷоратӣ ва ташаккули фазои муштараки рушди устувор ва шукуфоӣ мебошад.
Иштирокчиёни чорабинӣ масъалаҳои мубрами таҳкими пайвастагии минтақавӣ, рушди шарикии иқтисодӣ ва татбиқи ташаббусҳои муштаракро, ки ба таъмини рушди устувори минтақа равона шудаанд, мавриди баррасӣ қарор доданд.