Санаи 26 майи соли 2026 дар Вазорати рушди иқтисод ва савдо мулоқоти Вазири рушди иқтисод ва савдо Абдураҳмонзода Абдураҳмон Сафаралӣ бо Муовини Директори минтақавии Созмони байналмилалии муҳоҷират барои кишварҳои Аврупо ва Осиёи Марказӣ Драган Алексоски баргузор гардид.
Дар вохӯрӣ масъалаҳои вобаста ба рушди сармояи инсонӣ, танзими равандҳои муҳоҷират ва баланд бардоштани сатҳи шуғли аҳолӣ мавриди муҳокимаи ҷонибҳо қарор дода шуданд.
Абдураҳмонзода А. С. зимни мулоқот иброз намуд, ки дар Стратегияи миллии рушди Ҷумҳурии Тоҷикистон барои давраи то соли 2030 ва Барномаи миёнамуҳлати рушди Ҷумҳурии Тоҷикистон барои солҳои 2026-2030 масъалаҳои рушди бозори меҳнат, баланд бардоштани рақобатпазирии қувваи корӣ ва таъмини шуғли пурмаҳсул ҳамчун самтҳои муҳими сиёсати давлатӣ муайян гардидаанд.