26 майи соли 2026 дар ҳошияи Конфронси чоруми Душанбе оид ба татбиқи Даҳсолаи байналмилалии амал «Об барои рушди устувор, солҳои 2018–2028» мулоқоти Вазири рушди иқтисод ва савдо Абдураҳмонзода Абдураҳмон Сафаралӣ ва Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария, ҳамзамон Намояндаи доимии Ҷумҳурии Тоҷикистон дар назди Шуъбаи Созмони Милали Муттаҳид ва дигар ташкилотҳои байналмилалӣ дар Женева Шерализода Шараф Аҳмадҷон бо ҳайати намояндагони Шоҳигарии Испания Директори ширкати “ROCA” Даниэл Эрнандес, Директори Фонди “We are Water” Карлос Гарринг ва Сафири Шоҳигарии Испания дар Ҷумҳурии Тоҷикистон бо қароргоҳ дар Остона Луис Франсиско Мартинес баргузор гардид.
Дар рафти мулоқот ҷонибҳо масъалаҳои таҳкими ҳамкориҳои дуҷониба ва таъсиси корхонаҳои муштарак дар минтақаҳои озоди иқтисодии Тоҷикистонро мавриди баррасӣ қарор доданд.