Санаи 22 майи соли 2026 дар шаҳри Ашхободи Туркманистон ҷаласаи навбатии Шурои сарони ҳукуматҳо - сарвазирони кишварҳои иштирокдори Иттиҳоди Давлатҳои Мустақил баргузор гардид, ки дар кори он Сарвазири Ҷумҳурии Тоҷикистон муҳтарам Қоҳир Расулзода иштирок ва суханронӣ намуд.
Дар ҷаласа соҳаҳои афзалиятнок, аз ҷумла иқтисод, нақлиёт, саноати кӯҳӣ ва металлургия, энергетика, кишоварзӣ, тағйирёбии иқлим ва фарҳанг мавриди баррасӣ қарор гирифтанд. Дар чорабинӣ инчунин Вазири рушди иқтисод ва савдои Ҷумҳурии Тоҷикистон Абдураҳмонзода Абдураҳмон Сафаралӣ иштирок намуд.
Зимни суханронӣ Сарвазири кишвар муҳтарам Қоҳир Расулзода иброз дошт, ки Тоҷикистон робитаҳои тиҷоратӣ ва иқтисодиро бо кишварҳои ИДМ самти муҳими фаъолияти иқтисоди хориҷии худ медонад.
Дар анҷоми чорабинӣ аз рӯи натиҷаҳои ҷаласа қарорҳои дахлдор қабул гардиданд.