25 майи соли 2026 дар Вазорати рушди иқтисод ва савдо мулоқоти Вазири рушди иқтисод ва савдо Абдураҳмонзода Абдураҳмон Сафаралӣ бо Президенти Шӯрои иқтисодӣ ва иҷтимоии Созмони Милали Муттаҳид Лок Баҳодур Тапа баргузор гардид.
Дар рафти мулоқот ҷонибҳо масъалаҳои таҳкими ҳамкориҳо дар самти татбиқи Ҳадафҳои рушди устувор, рушди иҷтимоию иқтисодӣ, ҷалби сармоягузорӣ, тағйирёбии иқлим, истифодаи самараноки захираҳои об ва рушди иқтисоди сабзро мавриди баррасӣ қарор доданд.
Абдураҳмонзода А. С. таъкид намуд, ки Ҷумҳурии Тоҷикистон таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар пешбурди ташаббусҳои ҷаҳонӣ оид ба обу иқлим нақши фаъол дошта, ҳамгироии масъалаҳои рушди устувор ба ҳуҷҷатҳои стратегии миллӣ, аз ҷумла Стратегияи миллии рушд то соли 2030 ва Барномаи миёнамуҳлати рушд барои солҳои 2026-2030 яке аз афзалиятҳои асосӣ ба ҳисоб меравад.
Дар анҷоми мулоқот ҷонибҳо омодагии худро барои идомаи ҳамкориҳои судманд ва татбиқи ташаббусҳои муштарак дар соҳаҳои афзалиятнок изҳор намуданд.