Санаи 25 майи соли 2026 дар Вазорати рушди иқтисод ва савдо дар ҳошияи Конфронси чоруми Душанбе оид ба татбиқи Даҳсолаи байналмилалии амал «Об барои рушди устувор, солҳои 2018–2028» вохӯрии Вазири рушди иқтисод ва савдо Абдураҳмонзода Абдураҳмон Сафаралӣ бо Вазири федеролии тағйирёбии иқлим ва ҳамоҳангсозии муҳити зисти Ҷумҳурии Исломии Покистон Мусадиқ Масъуд Малик баргузор гардид.
Дар рафти мулоқот ҷонибҳо масъалаҳои таҳкими ҳамкориҳои Тоҷикистону Покистон дар самтҳои тағйирёбии иқлим, ҳифзи муҳити зист, рушди иқтисоди «сабз», идоракунии захираҳои об, энергияи барқароршаванда ва ҷалби сармоягузории «сабз» мавриди баррасӣ қарор доданд.
Абдураҳмонзода А. С. қайд намуд, ки таҳти роҳбарии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сиёсати давлатӣ дар самти рушди устувор, ҳифзи муҳити зист, мутобиқшавӣ ба тағйирёбии иқлим ва рушди иқтисоди «сабз» пайваста амалӣ гардида, ташаббусҳои байналмилалии Ҷумҳурии Тоҷикистон дар соҳаҳои об, иқлим ва ҳифзи пиряхҳо аз ҷониби ҷомеаи ҷаҳонӣ васеъ дастгирӣ ёфтаанд.
Дар анҷоми мулоқот ҷонибҳо омодагии худро барои рушди минбаъдаи ҳамкориҳои мутақобилан судманди Тоҷикистону Покистон изҳор намуданд.