22 майи соли 2026 дар Вазорати рушди иқтисод ва савдо вохӯрии муовини вазири рушди иқтисод ва савдо Восидиён Фарҳод Саъдулло бо ҳайати намояндагони ширкатҳои байналмилалии молиявии “J.P.Morgan”, “Loomis Sayles&Company”, “Morgan Stanley Investment Management” ва “Global Evolution”баргузор гардид.
Дар ҷараёни вохӯрӣ вазъи кунунии макроиқтисодӣ, фазои сармоягузории кишвар, инчунин дурнамои афзоиши ҳиссаи вомбаргҳои давлатӣ дар портфелҳои сармоягузорӣ ва имкониятҳои маблағгузории мустақим мавриди муҳокима қарор гирифтанд.
Восидиён Ф. С. қайд намуд, ки Ҷумҳурии Тоҷикистон таҳти роҳбарии дурбинонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ислоҳоти заруриро дар таъмини самти беҳтар намудани фазои сармоягузорӣ анҷом дод, ки дар натиҷа устувории макроиқтисодӣ, аз ҷумла рушди босуръати ММД, нигоҳдории муътадили сатҳи таваррум, таъсиси ҷойҳои кории пурмасъул, рушди содирот ва ғайра ба дастовардҳои назаррас ноил гашт.
Дар анҷоми вохӯрӣ ҷонибҳо омодагии худро ҷиҳати идомаи ҳамкориҳои мутақобилан судманд ва тавсеаи онҳо дар самтҳои афзалиятнок иброз намуданд.