22 майи соли 2026 дар Вазорати рушди иқтисод ва савдои Ҷумҳурии Тоҷикистон ҷаласа бо иштироки роҳбарияти вазорат, намояндаи Агентии назорати давлатии молиявӣ ва мубориза бо коррупсия ва кормандони дастгоҳи марказӣ ҷаласа вобаста ба ҳолати иҷрои ҳуҷҷатҳои банақшагирии стратегӣ ва Нақшаи чорабиниҳои амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 баргузор гардид.
Ҷаласаро муовини вазири рушди иқтисод ва савдо Восидиён Фарҳод Саъдулло ифтитоҳ намуда, зимни он масъалаҳои марбут ба таъмини иҷрои саривақтӣ ва босифати ҳуҷҷатҳои банақшагирии стратегӣ, таҳкими низоми назорати дохилӣ ва баланд бардоштани самаранокии фаъолияти воҳидҳои сохторӣ мавриди баррасӣ қарор гирифтанд.
Дар чорабинӣ сарнозири Раёсати муқовимат ба коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Бойзод Хушбахт Раҳимдил иштирок намуда, вобаста ба роҳҳои бартараф намудани камбудиҳои мавҷуда, риояи талаботи қонунгузорӣ ва таҳкими интизоми иҷроия вобаста ба сифатнок иҷро намудани Нақшаи чорабиниҳои амалисозии он дар марҳилаи дуюм (солҳои 2026–2030) ба иштирокчиён тавсияҳо ва пешниҳодҳои мушаххас ироа намуд.
Дар анҷоми ҷаласа ба сохторҳои дахлдор ҷиҳати таъмини иҷрои босифати супоришҳо ва баланд бардоштани натиҷанокии фаъолият дастуру супоришҳои мушаххас дода шуданд.