29 апрели соли 2026 дар Вазорати рушди иқтисод ва савдо вохӯрии Вазири рушди иқтисод ва савдо Абдураҳмонзода Абдураҳмон Сафаралӣ бо Мудири кишварии Хазинаи нуфуси Созмони Милали Муттаҳид (UNFPA) дар Тоҷикистон Нигина Абасзаде баргузор гардид.
Дар вохӯрӣ ҷонибҳо масъалаҳои таҳкими ҳамкориҳо дар самти рушди сармояи инсонӣ, такмили сиёсати демографӣ ва мутобиқсозии бозори меҳнат ба талаботи муосирро мавриди баррасӣ қарор доданд.
Абдураҳмонзода А. С. қайд намуд, ки дар доираи Барномаи миёнамуҳлати рушди Ҷумҳурии Тоҷикистон барои солҳои 2026–2030 таваҷҷуҳи махсус ба таъмини рушди фарогир, баланд бардоштани сифати сармояи инсонӣ ва ҳамоҳангсозии сиёсати иқтисодӣ ба равандҳои иҷтимоию демографӣ зоҳир мегардад.
Дар анҷоми вохӯрӣ ҷонибҳо омодагии худро ҷиҳати идомаи ҳамкориҳои мутақобилан судманд дар самтҳои афзалиятнок иброз намуданд.