Санаи 24 апрели соли 2026 дар Вазорати рушди иқтисод ва савдо вохӯрии Вазири рушди иқтисод ва савдо Абдураҳмонзода Абдураҳмон Сафаралӣ бо Сафири навтаини Фавқулодда ва Мухтори Ҷумҳурии Исломии Покистон дар Ҷумҳурии Тоҷикистон Ирфон Аҳмед баргузор гардид.
Дар вохӯрӣ ҷонибҳо вазъи кунунӣ ва дурнамои рушди ҳамкориҳои иқтисодию тиҷоратӣ, сармоягузорӣ, саноат, нақлиёт ва дигар самтҳои афзалиятнокро баррасӣ намуданд.
Зимни мулоқот ба рушди ҳамкорӣ дар бахшҳои саноат, аз ҷумла дорусозӣ ва нассоҷӣ таваҷҷуҳи махсус зоҳир гардида, вобаста ба таъсиси корхонаҳои муштарак бо истифода аз иқтидор ва имтиёзҳои минтақаҳои озоди иқтисодии Ҷумҳурии Тоҷикистон ибрози андеша карда шуд.
Дар анҷоми вохӯрӣ ҷонибҳо омодагии худро барои густариши минбаъдаи ҳамкориҳо дар самтҳои афзалиятноки иқтисодии ҳар ду кишвар иброз намуданд.