9 апрели соли 2026 тибқи талаботи фармоиши Ҳукумати Ҷумҳурии Тоҷикистон аз 29 августи соли 2025, №72-ф дар вазорат бо иштироки намояндагони вазоратҳои саноат ва технологияҳои нав, энергетика ва захираҳои об, нақлиёт, кишоварзӣ, Кумитаи давлатии сармоягузорӣ ва идораи амволи давлатӣ, Кумита оид ба таҳсилоти ибтидоӣ ва миёнаи касбӣ ва ноҳияи Шаҳринав муаррифии дурнамои нишондиҳандаҳои рушди иҷтимоию иқтисодӣ дар соли 2027 ва параметрҳои асосии он барои солҳои 2028-2029 баргузор гардид.
Ҷаласаро муовини вазири рушди иқтисод ва савдо Восидиён Фарҳод Саъдулло оғоз бахшида, баён намуд, ки мақсад аз баргузории ҷаласа иҷрои сифатноки дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дарёфти манбаъҳои нави рушд, расидан ба истиқлолияти энергетикӣ, суръат бахшидани саноатикунонии мамлакат, таъмини амнияти озӯқаворӣ, табдил ба кишвари транзитӣ, истифодаи самараноки имконияту захираҳои мавҷуда, ба кор андохтани иқтидорҳои нав ва ба ин васила таъмини рушди устувори иқтисоди кишвар ва баланд бардоштани сатҳу сифати зиндагии аҳолӣ мебошад.
Дар ин раванд аз ҷониби муовини якуми раиси Кумитаи давлатии сармоягузорӣ ва идораи амволи давлатӣ – Юсуфзода Фаррух, муовини вазири энергетика ва захираҳои об – Шарифа Худобахш, муовини раиси Кумита оид ба таҳсилоти ибтидоӣ ва миёнаи касбӣ – Ализода Алишер, муовини якуми раиси ноҳияи Шаҳринав - Анварзода Одилҷон, сардори Раёсати иқтисод ва дурнамои Вазорати саноат ва технологияҳои нав – Муминов Назаралӣ, сардори Раёсати таҳлил ва дурнамои иқтисодии Вазорати нақлиёт – Шокиров Парвиз ва сардори Раёсати сиёсати аграрӣ ва мониторинги амнияти озуқавории Вазорати кишоварзӣ – Абдуллозода А. дурнамои нишондиҳандаҳои асосии рушди соҳаҳо дар соли 2027 ва параметрҳои асосии он барои солҳои 2028-2029 муаррифӣ карда шуд.
Қайд бояд кард, ки тибқи баҳодиҳии пешакӣ дар соли 2026 рушди воқеии соҳаи саноат 125,2 фоиз, кишоварзӣ 108,6 фоиз, маблағгузорӣ ба сармояи асосӣ 114 фоиз пешбинӣ гардида, ҳаҷми истеҳсоли неруи барқ то 25,4 млрд. кВт/соат афзоиш меёбад.
Дар охир нишондиҳандаҳои пешниҳодгардида мавриди баррасӣ қарор дода шуда, аз натиҷаи ҷаласа қарорҳои дахлдор қабул гардид.