27 феврали соли 2026 дар Вазорати рушди иқтисод ва савдо бо иштироки роҳбарият, сардорони воҳидҳои сохторӣ, намояндагони Кумитаи дин ва танзими ҷашну маросими назди Ҳукумати Ҷумҳурии Тоҷикистон ва кормандони дастгоҳи марказии вазорат хониши идоравӣ ҷиҳати татбиқи сиёсати пешгирифтаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба масъалаҳои дин, танзими ҷашну маросим ва масъулият барои таълиму тарбияи кӯдак дар кишвар баргузор гардид.
Ҷамъомадро Муовини вазир – Восидиён Фарҳод Саъдулло бо сухани ифтитоҳӣ оғоз карда қайд намуд, ки дар ҷаҳони муосир равандҳое ба мисли бархӯрди фарҳангу тамаддунҳо, тафриқаву низоъҳои диниву мазҳабӣ, густариши бесобиқаи терроризму экстримизми динӣ идома доранд, ки василаи истифодаи қувваҳои гуногуни манфиатхоҳ гардидаанд.
Сипас намояндагони Кумитаи дин ва танзими ҷашну маросими назди Ҳукумати Ҷумҳурии Тоҷикистон вобаста ба иҷрои Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон», Фармони Президенти Ҷумҳурии Тоҷикистон аз 4 апрели соли 2018, №1042 «Дар бораи Консепсияи сиёсати давлатии Ҷумҳурии Тоҷикистон дар соҳаи дин», инчунин Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» ва нуқтаҳои асосии суханронии Асосгузори сулҳу ваҳдати миллӣ Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дин аз 9 марти соли 2024 изҳор доштанд суҳбат ва корҳои фаҳмондадиҳӣ гузарониданд.