23 феврали соли 2026 дар Вазорати рушди иқтисод ва савдои Ҷумҳурии Тоҷикистон вохӯрии Вазири рушди иқтисод ва савдо Абдураҳмонзода Абдураҳмон Сафаралӣ бо Сафири Фавқулодда ва Мухтори Ҷумҳурии Қазоқистон дар Ҷумҳурии Тоҷикистон Туреханов Валихан Амирханулӣ баргузор гардид.
Дар ҷараёни вохӯрӣ масъалаҳои ҳолати кунунӣ ва дурнамои рушди ҳамкориҳои дуҷонибаи стратегӣ дар соҳаҳои иқтисоду тиҷорат, содироти маҳсулоти кишоварзӣ ба Қазоқистон, инчунин рушди ҳамкориҳои нақлиётиву логистикӣ мавриди баррасии ҷонибҳо қарор гирифтанд.
Дар анҷоми вохӯрӣ ҷонибҳо омодагии худро ҷиҳати таҳким ва густариши минбаъдаи ҳамкориҳои мутақобилан судманд баён намуданд.