18 феврали соли 2026 вохӯрии вазири рушди иқтисод ва савдои Ҷумҳурии Тоҷикистон Абдураҳмонзода Абдураҳмон Сафаралӣ бо Вазири саноат, маъдан ва тиҷорати Ҷумҳурии Исломии Эрон Сайид Муҳаммад Атабак баргузор гардид.
Дар оғози вохӯрӣ Абдураҳмонзода А. С. ташрифи ҳайати Ҷумҳурии Исломии Эронро ба Тоҷикистон самимона истиқбол намуда, таъкид кард, ки равобити ду кишвар бар пояи пайвандҳои амиқи таърихӣ, фарҳангӣ ва забонӣ рушд ёфта, имрӯз марҳилаи нави густариши ҳамкориҳои иқтисодию тиҷоратиро дар бар мегирад.
Дар рафти вохӯрӣ рушди ҳамкориҳои дуҷониба дар самтҳои афзалиятнок, аз ҷумла таъсиси корхонаҳои муштарак дар минтақаҳои озоди иқтисодии Тоҷикистон, ҳамкорӣ дар соҳаҳои саноат, энергетика, кишоварзӣ, мошинсозӣ ва кимиё, инчунин рушди инфрасохтори нақлиётӣ ва логистикӣ баррасӣ гардиданд.
Дар анҷоми мулоқот ҷонибҳо ҳавасмандии худро ҷиҳати истифодаи пурраи имкониятҳои мавҷуда ва густариши минбаъдаи ҳамкориҳои иқтисодӣ ва тиҷоратии ду кишвар иброз доштанд.