3 феврали соли 2026 дар шаҳри Дубайи Амороти Муттаҳидаи Араб Саммити ҷаҳонии ҳукуматҳо ифтитоҳ гардид, ки дар он ҳайати расмии Ҷумҳурии Тоҷикистон таҳти роҳбарии вазири рушди иқтисод ва савдо Абдураҳмонзода Абдураҳмон Сафаралӣ иштирок намуд.
Саммити мазкур аз 3 то 5 феврали соли 2026 таҳти шиори «Ташаккули ҳукуматҳои оянда» баргузор гардида, дар он зиёда аз 150 ҳайатҳои расмии кишварҳо иштирок намуданд, ки яке аз бузургтарин платформаҳои байналмилалӣ ба шумор меравад.
Дар доираи Саммит иштирок ва баромад дар чорабиниҳои канорӣ, баргузории як қатор вохӯриҳои дуҷониба ва бисёрҷонибаи ҳайати кишвар бо намояндагони давлатҳо ва созмонҳои байналмилалӣ дар назар дошта шудааст, ки ба густариши ҳамкориҳои иқтисодӣ, тиҷоратӣ, сармоягузорӣ ва технологӣ мусоидат менамоянд.