29 январи соли 2026 дар Вазорати рушди иқтисод ва савдои Ҷумҳурии Тоҷикистон вохӯрии вазири рушди иқтисод ва савдо Абдураҳмонзода Абдураҳмон Сафаралӣ бо Намояндагии Барномаи рушди Созмони Милали Муттаҳид (СММ) дар Тоҷикистон ҷаноби Судипто Мукерҷи ва Намояндаи Агентии ҳамкории байналмилалии Ҷопон (JICA) ҷаноби Имаи Сейҷу баргузор гардид.
Дар рафти вохӯрӣ масъалаҳои таъсиси кластерҳои агросаноатӣ, рушди инфрасохтори муосири коркард ва сардхонаву анборхонаҳо, дастгирии кооперативҳо, ҷорӣ намудани технологияҳои рақамӣ, иқтисоди сабз, инчунин такмили долонҳои савдои фаромарзӣ ва таҳкими шарикии стратегӣ миёни Тоҷикистон, Ҷопон ва низоми СММ-ро баррасӣ намуданд.
Ҷонибҳо омодагии худро барои таъмини ҳамоҳангсозии татбиқи лоиҳаҳои афзалиятнок, дастгирии техникӣ дар самти иҷрои барномаҳои миллӣ ва густариши минбаъдаи ҳамкорӣ дар рушди соҳаҳои кишоварзӣ, савдо ва таҳкими устувории иқтисодӣ изҳор намуданд.