Имрӯз дар Вазорати рушди иқтисод ва савдои Ҷумҳурии Тоҷикистон вохӯрии Вазири рушди иқтисод ва савдо Абдураҳмонзода Абдураҳмон Сафаралӣ бо Роҳбари намояндагии Иттиҳоди Аврупо дар Ҷумҳурии Тоҷикистон Радослав Дарски баргузор гардид.
Дар ҷараёни мулоқот ҳолати кунунӣ ва дурнамои густариши ҳамкориҳои тиҷоратию иқтисодӣ, ҷалби сармоягузориҳо, татбиқи лоиҳаҳои муштарак, инчунин ҳамкорӣ дар самтҳои энергетикаи сабз, рақамикунонӣ, рушди инфрасохтор ва сармояи инсонӣ мавриди баррасӣ қарор гирифтанд.
Ҷонибҳо ҷараёни рушди муносибатҳо дар доираи Созишномаи шарикӣ ва ҳамкории тавсеаёфтаро баррасӣ намуда, таъкид карданд, ки имзои санади мазкурро дар соли 2026 заминаи гузариш ба марҳилаи нави ҳамкориҳо фароҳам месозад.
Дар анҷом ҷонибҳо омодагии худро ҷиҳати идомаи муколамаи мунтазам ва таҳкими ҳамкориҳои мутақобилан судманд дар самтҳои афзалиятноки рушди иқтисодӣ изҳор намуданд.