16 январи соли 2026 дар Вазорати рушди иқтисод ва савдои Ҷумҳурии Тоҷикистон вохӯрии Вазири рушди иқтисод ва савдо Абдураҳмонзода Абдураҳмон Сафаралӣ бо Сафири Фавқулодда ва Мухтори Ҷумҳурии Исломии Покистон дар Ҷумҳурии Тоҷикистон Муҳаммад Саид Сарвар баргузор гардид.
Дар рафти мулоқот ҳолати кунунӣ ва дурнамои густариши ҳамкориҳои дуҷониба дар соҳаҳои иқтисоду тиҷорат, энергетика, нақлиёт, сармоягузорӣ, инчунин таҳкими робитаҳо дар бахшҳои илму маориф мавриди баррасӣ қарор гирифт.
Ҳамзамон ҷонибҳо зарурати фаъолгардонии механизмҳои амалии ҳамкорӣ, аз ҷумла Гурӯҳи кории муштарак оид ба савдо, сармоягузорӣ ва нақлиёт, инчунин суръатбахшии раванди ниҳоии баррасии Созишнома оид ба савдои имтиёзнок байни ду кишварро таъкид намуданд.