12 ноябри соли 2025 дар шаҳри Минск ҷаласаи 36-уми Шӯрои байнидавлатӣ оид ба ҳамкорӣ дар соҳаҳои илмию техникӣ ва инноватсионии кишварҳои ИДМ баргузор гардид, ки дар он ҳайати Ҷумҳурии Тоҷикистон таҳти роҳбарии муовини вазири рушди иқтисод ва савдо Насриддинзода Рухшона Ҳикматулло ширкат варзид.
Дар суханронии худ Насриддинзода Р. Ҳ. пешрафти Тоҷикистон дар самти корҳои илмию тадқиқотӣ, рушди экосистемаи инноватсионӣ ва раванди рақамисозиро таъкид намуда, афзоиши инфрасохтори инноватсионӣ, марказҳои таҳқиқотӣ, болоравии сатҳи ихтироъкорӣ, зеҳни сунъӣ ва густариши иштироки гурӯҳҳои илмии кишвар дар барномаҳои байналмилалиро зикр кард.
Дар ҷаласа масъалаҳои муҳими ҳамкории илмӣ-техникӣ баррасӣ гардида, таҳияи Нақшаи амалигардонии Стратегияи рушди илмӣ-технологии ИДМ барои солҳои 2026–2035 ва тасдиқи нақшаи ҷамъбастии чорабиниҳо барои солҳои 2026–2030 дар доираи Барномаи байнидавлатии ҳамкории инноватсионӣ мавриди дастгирӣ қарор гирифт.
Ҳайати Ҷумҳурии Тоҷикистон омодагии худро барои идомаи ҳамкории фаъолона дар доираи ИДМ ва пешниҳоди ташаббусҳо дар самти рушди инноватсия, технологияҳои рақамӣ ва ҳамкории илмӣ таъкид намуд.