Дар ҷаласа раванди иҷрои чор ҳуҷҷати банақшагирии стратегӣ, Нақшаи амали Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 барои солҳои 2024-2026, Стратегияи рушди зеҳни сунъӣ дар Ҷумҳурии Тоҷикистон барои давраи то соли 2040 ва Нақшаи амали он барои солҳои 2023-2025, Барномаи давлатии рушд ва таҳкими заминаи илмию таҷрибавии Академияи миллии илмҳои Тоҷикистон барои солҳои 2023-2027 ва Барномаи миёнамуҳлати солҳои 2024-2026-и Стратегияи идоракунии молияи давлатии Ҷумҳурии Тоҷикистон барои давраи то соли 2030 баррасӣ шуд.
Оид ба рафти татбиқи ҳуҷҷатҳои қайдгардида аз ҷониби муовини Вазири тандурустӣ ва ҳифзи иҷтимоии аҳолӣ - Муҳиддин Ҳабибулло Хайруллозода, муовини якуми Директори Агентии инноватсия ва технологияҳои рақамӣ - Исмоилзод Ҳаким Шамсулло, ноиби Президенти Академияи миллии илмҳои Тоҷикистон - Салмониён Муҳаммаддовуд Қаюм ва намояндаи Вазорати молия рӯнамо пешниҳод гардид.
Дар доираи баррасии ҳуҷҷатҳои қайдгардида вобаста ба сари вақт иҷро намудани бандҳои нақшаи чорабиниҳои дахлдор, дарёфти сарчашмаҳои маблағгузории онҳо, сифати иҷрои корҳо, мониторингу арзёбии доимии онҳо ва дигар самтҳо қарорҳои дахлдор қабул гардиданд.